Մ6 միջպետական ճանապարհի վրա գտնվող քարափշրման արտադրամասի աշխատանքը դադարեցվել է:

Դիմել էի վարչապետին Մ6 միջպետական ճանապարհի վրա գտնվող քարափշրման արտադրամասի աշխատանքի վերաբերյալ, որն արդեն մի քանի տարի է, ինչ իսկական «դժոխքի» էր վերածել Վանաձոր համայնքի Գուգարք բնակավայրի բնակիչների կյանքը, քանի որ այն գտնվում էր դրանից մի քանի հարյուր մետր հեռավորության վրա և թե' ցերեկը, թե' գիշերը պարզապես անտանելի էր դարձնում այդ բնակավայրում ապրելը շատ ուժեղ աղմուկի և փոշու պատճառով:
 
ՀՀ բնապահպանության և ընդերքի տեսչական մարմնից ստացել եմ պատասխան, որ ընկերությունը ենթարկվել է վարչական պատասխանատվության, իսկ ջարդիչ կայանը ապամոնտաժվել է։
 
Հուսամ երկար տարիներ տևած այս ծանր հարցը սրանով վերջնական լուծում է ստանում, ինչի համար շնորհակալ եմ տեսչական մարմնի և ՏԿԵՆ իմ գործընկերներին, իսկ Վանաձոր համայնքի Գուգարք բնակավայրի մեր քաղաքացիներին (հատկապես երեխաներին) առողջություն և հանգիստ գիշերներ եմ մաղթում։